საქართველოს ხვალ მსოფლიო ავიაბაზრის ცნობილი ექსპერტი ნიკოლას სილვა ეწვევა და „პრაიმ-თაიმის“ პრესკლუბში  საზოგადოების შეკითხვებს უპასუხებს.

ნიკოლას სილვას ავიაბაზარზე მუშაობის 15 წლიანი გამოცდილება აქვს. ის წამყვან საერთაშორისო სალიზინგო კომპანია AerCap-ს წარმოადგენს, რომელიც მსოფლიოში 100-ზე მეტი მსხვილი ავიახაზების პარტნიორი კომპანიაა.

ნიკოლას სილვა საქართველოს სატრანზიტო პოტენციალს, საინვესტიციო კლიმატს და გარემოს სწავლობს. ის რეგულარულად მართავს შეხვედრებს მსოფლიოს უმსხვილეს კომპანიებთან, რომლებიც დაინტერესებულები არიან საქართველოს ავიაბაზარზე ინვესტირებით და ქვეყნისთვის უახლესი მოდელის თვითმფრინავების ლიზინიგით გადმოცემის საკითხებით.

ნიკოლას სილვა საქართველოს ტრანზიტული და საინვესტიციო პოტენციალის შესახებ ანალიზს საქართველოს სამოქალაქო ავიაციის ხელმძღვანელ ირაკლი დავითაძესთან ერთად წარადგენს.