პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი საერთაშორისო კომპანიის "EON ღეალიტყ" დამფუძნებელს ლეჟესკარს (Dან Lეჯერსკარ) შეხვდა, რომელიც საქართველოში სამუშაო ვიზიტით იმყოფება. ვიზიტის მიზანია საქართველოში მორიგი IDჩ ცენტრის ფორმირება, რომელსაც რეგიონალური ჰაბის დატვირთვა ექნება და სხვადასხვა მომსახურებას შესთავაზებს, როგორც საქართველოს, ასევე აზერბაიჯანს, სომხეთს, თურქეთსა და ირანს. საინვესტიციო მოცულობა შემდგომი ხუთი წლის განმავლობაში დაახლოებით 27 მილიონ აშშ დოლარს შეადგენს.

შეხვედრაზე პირველმა ვიცე-პრემიერმა დიმიტრი ქუმსიშვილმა საერთაშორისო კომპანიის დამფუძნებელს გააცნო საქართველოს მიღწევები ბიზნეს გარემოს ლიბერალიზებისა და ინოვაციური ტექნოლოგიების განვითარების მიმართულებით. აღინიშნა, რომ საქართველოს მთავრობა ციფრული ეკონომიკისა და მოთხოვნაზე დაფუძნებული განათლების სისტემის განვითარების მიმართულებით არაერთ რეფორმასა თუ პროგრამას ახორციელებს. პირველმა ვიცე-პრემიერმა გამოხატა დაინტერესება "EON ღეალიტყ" პროექტების მიმართ, რომელთაც შეუძლია საქართველოში, როგორც Iთ, ასევე დიზაინის და სხვა სპეციალისტების გადამზადება და მაღალკვალიფიციური კადრების მომზადება, აგრეთვე ვირტუალური რეალობისა და ციფრული ეკონომიკის სხვა დარგებში კვლევა-განვითარების ფორმირების ხელშეწყობა.

შეხვედრაზე წარმოდგენილი იყო პრეზენტაცია "EON ღეალიტყ"-ის საქმიანობისა და პროექტების შესახებ, რომელსაც ის მთელი მსოფლიოს მასშტაბით ახორციელებს. "EON ღეალიტყ" არის საერთაშორისო კომპანია, რომელიც ვირტუალური რეალობის, განათლების, კვლევა-განვითარებისა და მომსახურების მიმართულებით ერთ-ერთი ლიდერია მსოფლიოში. კომპანიის ძირითადი მიზანია ვირტუალური და დამატებითი რეალობის (Vირტუალ ანდ Aუგმენტედ ღეალიტყ) ცოდნის ინტეგრირება განათლებასა და ინდუსტრიაში. EON ღეალიტყ - ის წარმომადგენლობა მსოფლიოს ყველა კონტინენტზეა. IDჩ - ინტერაქტიული ციფრული ცენტრები ფუნქციონირებს ამერიკის შეერთებულ შტატებში, ევროპის ექვს ქვეყანაში, აფრიკაში, შუა აღმოსავლეთსა და ავსტრალიაში.

რაც შეეხება საქართველოს, კომპანიის ოფიციალური მასპინძელია ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო. ვიზიტის ფარგლებში შეხვედრები ასევე გაიმართება თბილისის მერთან კახა კალაძესთან, განათლების სამინისტროს წარმომადგენლებთან და უმაღლესი სასწავლო დაწესებულებების რექტორებთან.