Tbilisi Open Air-ის მუსიკალურის დირექტორის, დავით ცინცაძის განცხადებით, მიმდინარე წელს Check in Georgia-სთან თანამშრომლობის პირველი წელია .
ამის შესახებ დავით ცინცაძემ Check in Georgia-ს 2018 წლის პრეზენტაციაზე სიტყვით გამოსვლისას განაცხადა.
„მიმდინარე წელს Check in Georgia-სთან თანამშრომლობის პირველი წელია და ვფიქრობთ, კარგად შევასრულებთ იმ მისიას, რაც საქართველოს მუსიკალური ინდუსტრიის მსოფლიო რუკაზე გამოჩენაა“- განაცხადა ცინცაძემ.
მისი თქმით, Tbilisi Open Air წელს ივნისში გაიმართება, თუმცა კონკრეტულ თარიღები ცნობილი მოგვიანებით გახდება.
„Tbilisi Open Air განაგრძობს ჩვეულ სვლას იმ მიმართულებით, რომ იყოს კავკასიის ყველაზე დიდი ალტერნატიული მუსიკის ფესტივალი. „ჩექინ ჯორჯიასთან“ წელს თანამშრომლობის პირველი წელია და ვფიქრობთ, კარგად შევასრულებთ იმ მისიას, რაც საქართველოს მუსიკალური ინდუსტრიის მსოფლიო რუკაზე გამოჩენასა და სათანადო ადგილის დაკავებას გულისხმობს. ამ მიმართულებით უკვე გადავდგით დიდი ნაბიჯები და ვფიქრობ, Check in Georgia-სთან თანამშრომლობა წელს განსაკუთრებით დაგვეხმარება“ - აღნიშნა დავით ცინცაძემ.
Check in Georgia წელს 300-მდე სხვადასხვა სახის ღონისძიებას მოიცავს. წლევანდელი Check-in Georgia-ს ქოლგის ქვეშ თითქმის ყველა მასშტაბური ფესტივალი გართიანდა, მათ შორის ბათუმის საერთაშორისო კინოფესტივალი, თბილისის საერთაშორისო თეატრალური და ფოტო ფესტივალები, რეგიონალური თეატრების ფესტივალი, საერთაშორისო სარეკლამო ფესტივალი Ad Black Sea და სხვა. ჩექინს შემოუერთდნენ ოუფენ ეარი, 4 GB და ა.შ.