„საქართველოს ბანკმა“ ქუთაისში ახალი ექსპრეს სერვისცენტრი გახსნა.
როგორც „ნიუსპრესს“ „საქართველოს ბანკიდან“ აცნობეს, სერვისცენტრი მომხმარებელს  გამარტივებულ მომსახურებას თაბუკაშვილის #115-ში შესთავაზებს.
ბანკის ექსპრეს სერვისცენტრები ორ ზონადაა დაყოფილი. მომხმარებელს მოემსახურებიან როგორც მოლარე ოპერატორები ისე თვითმომსახურების ზონა, სადაც მომხმარებელი 24 საათის განმავლობაში ინტერნეტბანკის ტერმინალით, თვითმომსახურების ტერმინალი PayBox–ით და ბანკომატით ისარგებლებს.
ექსპრეს სერვისცენტრების მომსახურების ზონა, სადაც მომხმარებელს მოლარე-ოპერატორები ემსახურებიან, ყოველდღე დილის 9:00-დან 21:00 საათამდე და შაბათ-კვირას 10:00-დან 18:00 საათამდე იმუშავებს.
ამ დროისთვის „საქართველოს ბანკის“ 27 ექსპრეს სერვისცენტრი მოქმედებს.