საქართველოს პირველი ვიცე-პრემიერის განცხადებით, ბელარუიის პრემიერთან მნიშვნელოვანი შეხვედრა იყო, რომლის დროსაც დეტალურად იქნა განხილული მხარეთა ურთიერთობები.

მისივე თქმით, ქვეყნების წარმომადგენლები პრაქტიკულად ყველა საკითხზე შეთანხმდნენ.

“განვიხილეთ ყველა ის საკითხი, სადაც, ერთი მხრივ, გვჭირდება პოლიტიკური მხარდაჭერა, მეორე მხრივ, არსებობს პოტენციალი და ამავე დროს, ტექნიკური საკითხებია გადასაწყვეტი. ყველა საკითხი ძალიან დეტალურად განვიხილეთ და პრაქტიკულად ყველა საკითხზე შევთანხმდით,“ - განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ბელარუსის პრემიერ-მინისტრ ანდრეი კობიაკოვთან შეხვედრის შემდეგ.

შეხვედრა ბელარუსში, ქალაქ მინსკში გაიმართა, სადაც საქართველოს პირველი ვიცე-პრემიერი ვიზიტით იმყოფება.

შეხვედრას ბელარუსის პრემიერ-მინისტთან ასევე დაესწრნენ საქართველოს ელჩი ბელარუსის რესპუბლიკაში ვალერი კვარაცხელია და საქართველოს დელეგაციის წარმომადგენლები, რომლებმაც მონაწილეობა მიიღეს ორი ქვეყნის მთავრობათაშორისი ეკონომიკური კომისიის სხდომაში.