დამოუკიდებელი ექსპერტი მაია ნიკოლეიშვილი თემირლან მაჩალიკაშვილის საქმეზე ბალისტიკური ექსპერტის ჩართვას ითხოვს.

როგორც ის აცხადებს, ამ ეტაპზე არაა ცნობილი სად იყო ტყვიის ბოლო წერტილი, რაც გამოძებისთვის მნიშვნელოვანია.

„მილიმეტრნახევრიანი უცხო სხეულის პოვნა თავში ძალიან რთულია, ეს ამოღებული იქნა და გადაგზავნილია გამოძიებაზე. საწოლში მყოფზე რომ მოხდა ამ დაზიანების მიყენება ეს ფაქტია. მაჩალიკაშვილის პოზა ჩვენ ვიცით, მაგრამ მსროლელის პოზის აღსადგენად იქნება ეს ტრაექტორია საჭირო. გამოძიებამ უნდა მოგცეს ის ინფორმაცია, სად იყო ბოლო წერტილი. მარტო ჩემი სამედიცინო ექსპერტის კომპენეტცია ბოლომდე არ იქნება. აქ ბალისტის ჩართვა და სამედიცინო ექსპერტის მონაწილეობა ერთდროულად აუცილებელი იქნება,“-განაცხადა მაია ნიკოლეიშვილმა.