ლიბერთი ბანკი გასული, 2017 წლის შემაჯამებელ სოციალური პასუხისმგებლობის ანგარიშს აქვეყნებს.

ბანკის ინფორმაციით, „გასულ წელს ლიბერთი ბანკის დახმარებით:

 50-ზე მეტ მიუსაფარ ბავშვთა სახლს ჰქონდა უწყვეტი ელექტროენერგია და ბუნებრივი აირი, რომლის საფასურის სრული ანაზღაურება ბანკმა უზრუნველყო მთელი წლის განმავლობაში;

 ლიბერთი ბანკის სათაო ოფისში ხელი მოეწერა მემორანდუმს Educare Georgia-სთან და Khan Academy-ს ფარგლებში ბანკი ონლაინ განათლების ხელშეწყობის პროგრამაში ჩაერთო;

 ჩვენ შევძელით 700-ზე მეტი დაუცველი ოჯახის, სტუდენტებისა და ახალგაზრდა სპორტსმენების ფინანსური და მატერიალური მხარდაჭერა;

 2014 წლიდან დღემდე მოქმედებს ‘სოლიდარობის ფონდის’ მხარდაჭერის პროგრამა. პროგრამის ფარგლებში ბანკმა ფონდის ანგარიშზე ჯამში 600 000 ლარზე მეტი გადარიცხა,რითაც ჩვენ დავეხმარეთ 22 წლამდე ონკოლოგიური დაავადებების მქონე ბავშვებსა და მოზარდებს“-ნათქვამია ანგარიშში.

2017 წლის სამოქალაქო პასუხისმგებლობის (CSR) ანგარიში - https://libertybank.ge/ge/CSR2017