პრემიერ–მინისტრობის კანდიდატის ვანო მერაბიშვილის განცხადებით, საქართველოში სოციალური ამოცანების შესრულება არცერთი სერიოზული პროექტის განხორციელებას არ შეაჩერებს.   
ამის შესახებ მერაბიშვილმა დღეს, პარლამენტის რიგგარეშე სხდომაზე საპარლამენტო უმრავლესობის კითხვის საპასუხოდ განაცხადა.
„ყველა პროექტი განვითარდება არა იმიტომ, რომ პრეზიდენტს მოსწონს, არამედ იმიტომ, რომ ეს არის აუცილებელი ქვეყნის განვითარებისთვის. ამ სოციალური ამოცანების შესრულებისას არ გავაჩერებთ არცერთ სერიოზულ პროექტებს, როგორიცაა – კახეთის, აჭარის, ქუთაისის, ანაკლიის განვითარება, ლაზიკას მშენებლობა, მესტიისა და გორის რეაბილიტაცია“ – აღნიშნა მერაბიშვილმა.
მისივე შეფასებით, ყველა აღნიშნული პროექტის განხორციელება გაგრძელდება.