საერთაშორისო სარეიტინგო კომპანია Fიტცჰ-მა საქართველოს სუვერენული საკრედიტო რეიტინგი "BB"" და რეიტინგის სტაბილური პერსპექტივა დაადასტურა.
კომპანიის მიერ გამოქვეყნებულ რელიზში აღნიშნულია, რომ საქართველოს სუვერენული საკრედიტო რეიტინგის მოცემული დონე ქვეყნის მმართველობისა და ბიზნეს გარემოს მნიშვნელოვნად ხელსაყრელ პირობებს ასახავს, მსგავსი საკრედიტო რეიტინგის მქონე სხვა ქვეყნებთან შედარებით. ასევე, ქვეყნის ეკონომიკის მდგრადობის მაღალ დონეს ბოლო პერიოდში რეგიონში განვითარებული ეკონომიკური შოკების მიმართ.
ეკონომიკის სამინისტროს პრესსამსახურის ინფორმაციით, რელიზში საუბარია, რომ ბოლო 5 წლის განმავლობაში საქართველოს ეკონომიკის საშუალო ზრდამ 4% შეადგინა, რაც გაცილებით მაღალი საკრედიტო შეფასების ("BB") მქონე ქვეყნების მედიანურ მაჩვენებელს 0.4%-ით აღემატება. ამასთან, სარეიტინგო კომპანია აღნიშნავს, რომ ეკონომიკის ზრდა მიმდინარე წლის პირველ ნახევარში დაჩქარდა და ამ ფაქტს როგორც საგარეო, ასევე შიდა მოთხოვნის გაუმჯობესებამ შეუწყო ხელი.
სარეიტინგო კომპანიის შეფასებით (პროგნოზით), საქართველოს ეკონომიკის ზრდა როგორც მიმდინარე წელს, ასევე, მომდევნო 2 წლის განმავლობაში 4.5%-ის ფარგლებში იქნება.
აღსანიშნავია ისიც, რომ საერთაშორისო სავალუტო ფონდისა და მსოფლიო ბანკის პროგნოზის მიხედვით, საქართველოს ეკონომიკის ზრდის მაჩვენებელი მიმდინარე წლისათვის 3.5% შეადგენს.
სარეიტინგო კომპანია აქცენტს საქართველო საბანკო სექტორის სიძლიერეზე აკეთებს და აღნიშნავს, რომ მიუხედავად დოლარიზაციის მაღალი მაჩვენებლებისა, საბანკო სექტორის განვითარების მაღალი დონე დოლარიზაციასთან ასოცირებულ რისკებს აბალანსებს.
ფინანსთა სამინისტროს ინფორმაციით, სარეიტინგო კომპანია ყურადღებას ამახვილებს მიმდინარე წლის აპრილში საქართველოსა და საერთაშორისო სავალუტო ფონდს შორის გაფორმებულ ახალ პროგრამაზე "გაფართოებული დაფინანსების მექანიზმზე"", რომლის ფარგლებშიც 3 წლის განმავლობაში საერთაშორისო სავალუტო ფონდი საქართველოს გამოუყოფს 201.4 მლნ. შDღ (დაახლოების 285 მლნ. აშშ დოლარი) ფინანსურ რესურს მთავრობის მიერ ინიცირებული სტრუქტურული რეფორმების განხორციელების მხარდაჭერის მიზნით.
საყურადღებოა ისიც, რომ აღნიშნული სტრუქტურული რეფორმების მიზანია ხელი შეუწყოს ქვეყნის ეკონომიკის ისეთ გამოწვევას, როგორიცაა მიმდინარე ანგარიშის დეფიციტი, რაზეც ყურადღება ასევე გამახვილდა სარეიტინგო კომპანიის მიერ გაკეთებულ შეფასებაში.