საქართველოს ბიზნესის აკადემიის სასწავლო წლის დაწყებისადმი მიძღვნილი ცერემონიის ფარგლებში, საქართველოს ფინანსთა სამინისტროს შემოსავლების სამსახურს, როგორც ინტელექტუალური ბიზნეს ოლიმპიადის ,,მომავლის ბიზნესმენები“ 2017 წლის საუკეთესო პარტნიორს, საქართველოს ბიზნესის აკადემიამ სერტიფიკატი გადასცა.
ოლიმპიადის მონაწილე გამარჯვებული გუნდის წევრები ფინანსთა სამინისტროს შემოსავლების სამსახურის საბაჟო-გამშვებ პუნქტებში, სერვისცენტრებსა და გაფორმების ეკონომიკურ ზონებში იმყოფებოდნენ.
მოსწავლეებმა, როგორც გადასახადების მომავალმა გადამხდელებმა, სპეციალურად მათთვის გამართულ პრეზენტაციებსა და ექსკურსიებზე, საინტერესო და ამომწურავი ინფორმაცია მიიღეს საბაჟო-გამშვებ პუნქტებსა და სერვისცენტრებში არსებული სერვისებსა და პროცედურების შესახებ.
„ფინანსთა სამინისტროს შემოსავლების სამსახური მიესალმება და ყოველთვის მზადაა გახდეს მსგავსი პროექტების პარტნიორი“-განმარტავენ უწყებაში.