შინაგან საქმეთა მინისტრი, გიორგი მღებრიშვილი, მარიამობის დღესასწაულთან დაკავშირებით, ბორჯომის რაიონის სოფელ
ტიმოთესუბანში, ღვთისმშობლის სახელობის ტაძარში შს სამინისტროს იმ თანამშრომლებთან ერთად მივიდა, რომლებიც მთელი კვირის განმავლობაში ბორჯომის ხეობაში ხანძრის ქრობის სამუშაოებს ახორციელებენ.
გიორგი მღებრიშვილმა მათ დღესასწაული მიულოცა და გაწეული მუშაობისთვის კიდევ ერთხელ გადაუხადა მადლობა.
