საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრში 8-9 ივნისს   „ნახატები ბიბლიურ თემაზე“ კონკურსის მეორე ტური - „ხატვის დღე“ გაიმართება.

კონკურსანტებს წმინდა წერილიდან ამონარიდს წაუკითხავენ, რომლის მიხედვითაც მონაწილეებმა ერთი ნახატი უნდა შეასრულონ. ასევე, მათ მიეცემათ საზაფხულო დავალება, რომელიც 7 ნახატის დახატვას მოიცავს, აქედან 4 ძველი, 3 კი - ახალი აღთქმიდან უნდა იყოს.

კონკურსის მონაწილეთა ნამუშევრები საპატრიარქოს ახალგაზრდული ცენტრის დარბაზში გამოიფინება.

კონკურსი „ნახატები ბიბლიურ თემებზე“ მესამე წელია ტარდება.