ტელეკომპანია „მეცხრე არხის“ გენერალური დირექტორი კახა ბექაური რეგიონულ ტელეკომპანიებთან თანამშრომლობას არ გამორიცხავს.
როგორც ბექაურმა „ნიუსპრესთან“ საუბრისას აღნიშნა, ჯერ კონკრეტულად არ არის ცნობილი რომელ ტელეკომპანიასთან რა სახით მოხდება თანამშრომლობა, თუმცა, „მე-9 არხი“ მათ დასახმარებლად მზადაა.
„ტელეკომპანიებს, რომელთაც უნდათ დამოუკიდებელი სარედაქციო პოლიტიკის განხორციელება და არ უნდათ, რომ ადგილობრივი ხელისუფლების ფინანსებზე იყვნენ დამოკიდებული, ჩვენ დახმარების ხელს გავუწვდით“ - განაცხადა ბექაურმა.
მისივე თქმით, თანამშრომლობის ფორმატი თითოეულთან მოლაპარაკების შედეგად განისაზღვრება.
ტელეკომპანია „მეცხრე არხმა“ ტელეკომპანია „თრიალეთის“ 10% უკვე შეისყიდა.