თბილისის მაშველთა ბრიგადები მუშაობის საგანგებო რეჟიმში რჩებიან.
როგორც „ნიუსპრესს“ საგანგებო სიტუაციების სამსახურში განუცხადეს, სამაშველო  ბრიგადები გულიას მოედანზე გაწმენდით სამუშაოებს განაგრძობენ.

მათი ინფორმაციით, გასული დღე-ღამის განმავლობაში გამოძახებები ძირითადად, სარდაფებიდან წყლის ამოტუმბვას ეხებოდა, მსგავსი ტიპის 40-მდე გამოძახება დაფიქსირდა.

მაშველთა ბრიგადები ამ დროისთვის ნუცუბიძის მე-4 მიკრორაიონში რჩებიან. ორთაჭალაში კი, ყოველდღიურად 8 სამაშველო მანქანაა მობილიზებული.

გარდა ამისა, გასული დღე-ღამის განმავლობაში, სამაშველო სამსახურში სახანძრო გამოძახებაც დაფიქსირდა. ვაკეში მდებარე მრავალსართულიან შენობაში, მე-6 სართულზე 150 კვადრატული ფართის სამზარეულო დაიწვა.

მათივე ცნობით, სამაშველო ბრიგადებმა თბილისის ზღვაზე დახრჩობას 3 მოზარდი გადაარჩინეს. ბავშვები მოქალაქემ დაინახა და სამაშველო სამსახური გამოიძახა. მათ სიცოცხლეს საფრთხე არ ემუქრება.