თბილისის რეფერალურ საავადმყოფოში დამწვრობით მოთავსებული 11 წლის მოზარდის მდგომარეობა ამ დრომდე მძიმეა.
როგორც „ნიუსპრესს“ რეფერალურ საავადმყოფოში განუცხადეს, მოზარდი გარდაბნის რაიონიდან გადაიყვანეს. მან სხეულის თერმული დაზიანება ბუნებრივი აირის აალების შედეგად მიიღო.
პაციენტს დამწვრობა სახისა და კიდურების არეში აღენიშნება. ის რეანიმაციულ განყოფილებაშია.
რეფერალურ ჰოსპიტალში ბუნებრივი აირის შედეგად მიღებული დამწვრობით 68 წლის მამაკაციც იმყოფება. პაციენტი ჰოსპიტალში დუშეთის რაიონიდან გადაიყვანეს. მას სხეულის 14% აქვს დამწვარი.