თბილისში ათონელის ქუჩაზე ხანძარი გაჩნდა.
როგორც „ნიუსპრესს“ საგანგებო სიტუაციების სამსახურში განუცხადეს, ცეცხლი გვიან ღამით პარკეტის მაღაზიის დამხმარე სათავსოს გაუჩნდა. დაიწვა 15-20 კვ მეტრის ფართი. მსხვერპლი არ არის. ზარალის ოდენობა კი, დგინდება.
ხანძარი ლიკვიდირებულია. ადგილზე 6 სახანძრო მანქანა იყო მობილიზებული.
ხანძრის გამომწვევი მიზეზი ჯერჯერობით უცნობია.
