საქართველოს არქიტექტურის, მშენებლობისა და საშენ მასალათა მრეწველობის მუშაკთა პროფკავშირი დღეს აღსრულების ეროვნული ბიუროს შენობასთან გამაფრთხილებელ აქციას გამართავს.
აქციის მონაწილეები სააღმსრულებლო ბიუროსგან სამშენებლო კომპანია "ნოლას" მიერ სასამართლოს გადაწყვეტილების აღსრულებას მოითხოვენ.
"ნოლა"-ში დასაქმებულმა მშენებლებმა სასამართლო პროცესი მოიგეს, რომლის თანახმადაც კომპანია ვალდებულია მათ სახელფასო დავალიანები გაუსტუმროს.
