სასმელი წყლის მიწოდება თბილისის მოსახლეობის ნაწილს 20:00 საათიდან აღუდგება.
როგორც "ნიუსპრესს" კომპანია "ჯორჯიან უოთერ ენდ ფაუერიდან" აცნობეს, წყლის მიწოდება
კერძო სახლებში მიმდინარე ინდივიდუალური გამრიცხველიანების გამო შეწყდა. წყალი გლდანი-ნაძალადევის რაიონში სოფელ გიორგიწმინდას, ხოლო დიდუბე-ჩუღურეთის რაიონში მაზნიაშვილის, ბუხაიძის, ფიროსმანის, გოგოლის, გორის, თევდორე მღვდლისა და ბათუმის ქუჩებს არ მიეწოდება.
წყალი ვაკე-საბურთალოს რაიონში იყალთოს გორას და უჩანეიშვილის ქუჩას, ხოლო ისანი-სამგორის რაიონში კაიროს ქუჩასაც შეუწყდათ.
