კომპანია „სილქნეტსა“ და ილიას სახელმწიფო უნივერსიტეტს შორის, დღეს ურთიერთთანამშრომლობის მემორანდუმი გაფორმდება.

მემორანდუმი, რამდენიმე მიმართულებით ორმხრივ თანამშრომლობას ითვალისწინებს.

კონკრეტულად კი, სილქტივის მენიუში განთავსდება ილიას უნივერსიტეტის სალექციო კურსის ვიდეო არქივი, ასევე მემორანდუმის ფარგლებში აკადემიურ პერსონალთან თანამშრომლობით მომზადდება ახალი სალექციო კურსი, რომელსაც კომპანიის სპეციალისტები ჩაატარებენ. პროექტში ჩართულნი იქნებიან სტუდენტებიც, რომლებიც გაივლიან სტაჟირებას კომპანია სილქნეტში.

ვიდეო-ლექციების და ვიდეო-გაკვეთილების შექმნაზე უნივერსიტეტთან არსებული სტუდია იმუშავებს.

მემორანდუმზე ხელმოწერის ცერემონიალი 12:00 საათზე გაიმართება.