დიდთოვლობის გამო საქართველოს საავტომობილო გზების ზოგიერთ მონაკვეთზე მოძრაობა კვლავ შეზღუდულია.
აკრძალვები ვრცელდება თბილისი-სენაკი-ლესელიძის საავტომობილო გზის მონაკვეთზე, ასევე მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე, სადაც მოძრაობა საპატრულო პოლიციის ზედამხედველობით ხორციელდება.
ამ დროისთის გადაადგილება შეზღუდულია ტყიბული-ამბროლაურის გზის ნაქერალას მონაკვეთზეც, სადაც მისაბმელიანი და ნახევრადმისაბმელიანი ავტომობილების მოძრაობა აკრძალულია.
მოძრაობა მოცურების საწინააღმდეგო ჯაჭვებითაა დაშვებული გომბორი-თელავის საავტომობილო გზაზე, სადაც მისაბმელიანი და ნახევარმისაბმელიანი ავტომობილებით გადაადგილება აკრძალულია.
საქართველოს საავტომობილო გზების დანარჩენ მონაკვეთებზე, ამ დროისთვის მოძრაობა ჩვეულ რეჟიმში ხორციელდება.
