,,რასიზმისა და ანტისემიტიზმის წინააღმდეგ ბრძლოლის’’ საერთაშორისო დღესთან დაკავშირებით,

ქართველებსა და საქართველოში მცხოვრებ რვა სხვადასხვა ეთნიკურ და ნაციონალურ უმცირესობების წარმომადგენლებით დაკომპლექტებულ საფეხბურთო გუნდებს შორის ტურნირი ჩატარდება.


პროექტი - „ერთად დავამარცხოთ ფაშიზმი და რასიზმი - გამოხატე შენი პოზიცია“ ახალგაზრდული ასოციაცია ,,დრონი’’–სა და „Fare network“-ის ორგანიზებით ხორციელდება.

ღონისძიების მიზანს, გარდა რასიზმის წინააღმდეგ ბრძოლისა, წარმოადგენს ასევე ხელი შეუწყოს ჩართულობის, ჯანმრთელი ცხოვრების წესისა და ტოლერანტობის პოპულარიზებას.


როგორც „ნიუსპრესს“ აცნობეს, საფეხბურთო მატჩი ხვალ, ტექნიკური უნივერსიტეტის საფეხბურთო მოედანზე, 12:00 საათზე გაიმართება.

საპრიზო ადგილებზე გასულ გუნდებს სპეციალური პრიზები გადაეცემათ.