თბილისის ივანე ჯავახიშვილის სახელმწიფო უნივერსიტეტის პირველ კორპუსთან დღეს სტუდენტების საპროტესტო აქცია განახლდება.

როგორც „ნიუსპრესს“ საქართველოს „ბიზნესის განვითარების კავკასიის ცენტრის“ წარმომადგენელმა, სტუდენტთა გაერთიანების მოდერატორმა სერგო ბარამიძემ განუცხადა, აქცია თსუ-სთან 15:00 საათზე დაიწყება, რის შემდეგაც მთავრობის კანცელარიის მიმართულებით ფეხით მსვლელობა მოეწყობა.

პატიმრების წამების წინააღმდეგ მიმართული სტუდენტთა საპროტესტო აქციები რამდენიმე დღეა მიმდინარეობს.

სტუდენტები ყველა იმ პირის დასჯას მოითხოვენ, რომლებიც მსჯავრდებულების წამებაში მონაწილეობდნენ.