კოალიცია „ჩვენი უფლებებისთვის“ ბოლო დღეებში კოალიცია „ქართული ოცნების“ წარმომადგენლთა მასობრივ დაპატიმრებას აპროტესტებს და საერთაშორისო ორგანიზაციებს და დიპლომატიურ კორპუსს აღნიშნულ საკითხზე ყურადღების გამახვილებისკენ მოუწოდებს.

როგორც კოალიციის თანათავმჯდომარე მაია ხარაძე აღნიშნავს, გუშინ „ქართული ოცნების“ ათეულობით აქტივისტი დაპატიმრეს ადმინისტრაციული წესით თბილისში, გორში, ქარელში, კასპში, ხაშურში, ფოთსა და მესტიაში.


მისი შეფასებით, მოსახლეობაში ნდობადაკარგულმა ხელისუფლებამ იმიტომ დაიწყო „ქართული ოცნების“ აქტივისტების მასობრივი დაპატიმრება, რომ ერთის მხრივ ოპონენტებზე ანგარიშწორება მოახდინოს და მეორეს მხრივ, მოსახლეობაში შიშის სინდრომი დანერგოს.