რუსთავში, კოსტავას გამზირზე 40 წლამდე ასაკის მამაკაცი საცხოვრებელი სახლის აივნიდან გადავარდა.
დაშავებულის ჯანმრთელობის მდგომარეობა მძიმეა. მას მრავლობითი დაზიანებები აქვს.
მამაკაცი კლინიკა "რუსთავის" რეანიმაციულ განყოფილებაშია მოთავსებული.
შსს-ს ცნობით, გამოძიება სისხლის სამართლის კოდექსის 115-ე მუხლით დაიწყო, რომელიც თვითმკვლელობამდე მიყვანას გულისხმობს.
