ბოლნისის მუნიციპალიტეტის გამწვანების სამსახურმა, ქალაქ ბოლნისში ბუგრის წინააღმდეგ წამლობის
ღონისძიებები დაიწყო.
სამსახურის თანამშრომლებმა, დაავადების პრევენციის მიზნით, მერიის ადმინისტრაციული შენობის მიმდებარედ ვარდები ბუგრის საწინააღმდეგო პრეპარატით შეწამლეს.
აპრილი-მაისში ვარდებზე ჩნდება ბუგრები. მავნებელი ანადგურებს ზრდის წერტილს, შემდეგ კი გადადის ღეროსა და კვირტზე. ის თავისი წვრილი ხორთუმით იწოვს წვენს მცენარიდან . მცენარე იღებს უალამაზო შესახედაობას- მისი ფოთოლები წებოვანი გამონაყარით იფარება, ხმება, იგრიხება და ავადდება სოკოთი. კვირტები ვერ ახერხებს გაშლას და მთელი მცენარე იწყებს გახმობას.
