თბილისის საკრებულოს ისნის რაიონის მაჟორიტარმა წევრმა ლევა­ნ დავითაშვილმა ამავე რაიონის, პარლამენტის მაჟორიტარ დეპუტატთან, ირაკლი აბუსერიძესთან და ისნის რაიონის გამგებელთან, კახა ლაბუჩიძესთან ერთად, სამაჟორიტარო რაიონში მიმდინარე სარეაბილიტაციო ინფრასტრუქტურული სამუშაოები დაათვალიერა.



,,ჩვენს სამაჟორიტარო რაიონში, ქვეყანაში შექმნილი საგანგებო მდგომარეობის მიუხედავად, აქტიურად მიმდინარეობს ინფრასტრუქტურული და კეთილმოწყობითი სამუშაოები. მეტი მწვანე სივრცის და რეკრეაციული ზონების არსებობა ძალიან მნიშვნელოვანია მოსახლეობისთვის, განსაკუთრებით კი ჩვენი მომავალი თაობისთვის", - განაცხადა ლევა­ნ დავითაშვილმა.



მაჟორიტარი დეპუტატის ინფორმაციით, ისნის რაიონში, სარეაბილიტაციო და კეთილმოწყობითი სამუშაოები ოთხ მისამართზე მიმდინარეობს, რომლის ფარგლებშიც კეთილმოეწყობა სკვერები, ჩატარდება გამწვანებითი სამუშაოები, დამონტაჟდება თანამედროვე განათების სისტემა და სავარჯიშო მოწყობილობები.

აღნიშნულ ინფორმაციას თბილისის საკრებულოს პრესსამსახური ავრცელებს.