მეტროპოლიტენის სადგურ „მარჯანიშვილზე“ დღეს მგზავრების მოძრაობა შეფერხდა.
როგორც საინფორმაციო სააგენტო „ნიუსპრესს“ თვითმხილველმა აცნობა, 13:40 წუთზე მეტროში ამომავალი ესკალატორი მწყობრიდან გამოვიდა და გაჩერდა.
როგორც შეკრებილ მგზავრებს განუმარტეს, გაფუჭებული იყო სათადარიგო, მესამე ესკალატორიც, რის გამოც ბაქანზე ხალხმრავლობა წარმოიქმნა.
მეტროსადგურის ესკალატორმა მუშაობა ოდნავ მოგვიანებით, დაახლოებით 13:55 წუთზე განაახლა.
