შიდსის დიაგნოზით კიდევ ერთი პაციენტი გარდაიცვალა.

როგორც „ნიუსპრესს“ ინფექციური პათოლოგიის, შიდსისა და კლინიკური იმუნოლოგიის ცენტრში განუცხადეს, გარდაცვლილია 50 წლამდე მამაკაცი. გარდაცვალების მიზეზი კი, დაავადების მძიმე ფორმა გახდა.

ცენტრის ინფორმაციით, აგვისტოში 2 პაციენტია გარდაცვლილი. 2012 წელს კი, შიდსის დიაგნოზით 66 მოქალაქე გარდაიცვალა.

2012 წლის 7 აგვისტოს მონაცემებით, შიდსის ცენტრში შიდსის ვირუსით ინფიცირების 3 417 შემთხვევაა რეგისტრირებული. მათგან 2 503 მამაკაცი და 914 ქალია.

პაციენტთა უმრავლესობა 29-დან 40 წლამდეა. შიდსი განუვითარდა 2 255 პაციენტს. 752 კი, გარდაიცვალა.

მიმდინარე წელს დაავადების 302 ახალი შემთხვევა გამოვლინდა. აივ მკურნალობას 1 271 პაციენტი, მათგან 36 ბავშვი გადის.