თბილისის კარდიოლოგიური საავადმყოფოს შენობაში აფხაზეთიდან დევნილები
შეიჭრნენ.საავადმყოფოს მისამართზე ამ დროისათვის 19 ოჯახი იმყოფება. რამდენიმე მათგანი ადგილზე მცირეწლოვან ბავშვებთან ერთადაა.
დევნილთა თქმით, მათი მოთხოვნა საცხოვრებელი ფართით უზრუნველყოფაა, რასაც 27 წელია ელოდებიან.
ოკუპირებული ტერიტორიებიდან დევნილთა შრომის, ჯანმრთელობისა და სოციალური დაცვის სამინისტროში აცხადებენ, რომ კლინიკაში შეჭრილ დევნილებთან მოლაპარაკება უკვე დაწყებულია.
სამინისტროს წარმომადგენლის განმარტებით, კანონიერი მოთხოვნის შემთხვევაში დევნილებს შეუძლიათ, დროებითი საცხოვრებლის უზრუნველყოფის პროგრამით ისარგებლონ.
