ხარაგაულის მუნიციპალიტეტში სტიქიისაგან მიყენებულ ზარალს კვლავ ითვლიან. ერთი
კვირის განმავლობაში ხარაგაული უხვმა ნალექმა ორჯერ დააზარალა.წინასწარი გათვლებით, ზარალმა შესაძლოა 5 მილიონ ლარს მიაღწიოს.
სტიქიის ადგილზე ადიდდა მდინარეები, დაიტბორა სახნავ-სათესი მიწები, დაიხოცა ფრინველი და პირუტყვი.
ხარაგაულის მერის თანაშემწის, ლაშა გელაშვილის განმარტებით, სტიქიის ადგილას მობილიზდა სპეცტექნიკა, პირველ ეტაპზე გაიწმინდა საუბნო-სასოფლო გზები.
მოსახლეობისადმი მიყენებული ზარალის დასათვლელად სპეციალური კომისია მუშაობს და ამის შემდეგ გადაწყდება, რა ზომებს მიიღებენ შედეგების აღმოსაფხვრელად.
