თბილისის რეფერალურ საავადმყოფოში დამწვრობის დიაგნოზით მოთავსებული წლინახევრის ბავშვის მდგომარეობა სტაბილურია.

როგორც „ნიუსპრესს“ რეფერალურ საავადმყოფოში განუცხადეს, ბავშვი ამჟამად, რეანიმაციულ განყოფილებაშია მოთავსებული და შესაბამის მკურნალობას გადის.

მედიკოსების განცხადებით, პაციენტს II-III ხარისხის დამწვრობა სახისა და გულ-მკერდის არეში აღენიშნება. ბავშვს სხეულის 12% აქვს დამწვარი.

მან დამწვრობა ცხელი წყლის გადასხმის შედეგად მიიღო. მცირეწლოვანი რეფერალურ საავადმყოფოში ქუთაისიდან გადაიყვანეს.