სამეგრელო-ზემო სვანეთის პრობაციის ბიუროს ორგანიზებით, მარტვილის რაიონში აღრიცხვაზე მყოფმა 9 პირობით მსჯავრდებულმა, სოფელ ვედიდკარში მდებარე მთავარანგელოზთა მიქაელისა და გაბრიელის სახელობის ტაძრის სარესტავრაციო სამუშაოებში მიიღო მონაწილეობა.

სასჯელაღსრულების სამინისტროს ინფორმაციით, მე-17 საუკუნის ტაძრის განახლებაში მონაწილეობის სურვილი პრობაციონერებმა თავად გამოთქვეს. ისინი მშენებლებს ტაძრის სვეტების აღდგენაში და მათ შორის დამაკავშირებელი კედლის აშენებაში დაეხმარნენ. პრობაციონერებმა შეადგინეს მუშაობის გრაფიკი, რათა სამომავლოდ დაგეგმილ სამუშაოებში ორგანიზებულად ჩაერთონ.