დაბალბიუჯეტიანი ავიაკომპანია Wizz Air, რომელიც ქუთაისის საერთაშორისო აეროპორტში ბაზირებს, 2019 წლის ზაფხულის სანავიგაციო სეზონის განმავლობაში რეგულარულ საჰაერო მიმოსვლას 8 ახალი მიმართულებით დაიწყებს.

უნგრული ავიაკომპანია რეგულარულ რეისებს ქუთაისიდან გდანსკის, ბარის, ეინდჰოვენის, კოპენჰაგენის, ბაზელის, ტალინის, ბრიუსელის და კრაკოვის მიმართულებით, შემდეგი განრიგით შეასრულებს:

• ქუთაისი - გდანსკი - ქუთაისი - 31 მარტიდან, კვირაში 2 სიხშირით, ყოველ სამშაბათსა და შაბათს;

• ქუთაისი - ბარი - ქუთაისი - 1 აგვისტოდან, კვირაში 2 სიხშირით, ყოველ ხუთშაბათსა და კვირას;

• ქუთაისი - ეინდჰოვენი - ქუთაისი - 1 აგვისტოდან, კვირაში 3 სიხშირით, ყოველ სამშაბათს, ხუთშაბათსა და შაბათს;

• ქუთაისი - კოპენჰაგენი - ქუთაისი - 2 აგვისტოდან, კვირაში 2 სიხშირით, ყოველ ორშაბათსა და პარასკევს;

• ქუთაისი - ბაზელი - ქუთაისი - 2 აგვისტოდან, კვირაში 2 სიხშირით, ყოველ ორშაბათსა და პარასკევს;

• ქუთაისი - ტალინი - ქუთაისი - 4 აგვისტოდან, კვირაში 2 სიხშირით, ყოველ ოთხშაბათსა და კვირას;

• ქუთაისი - ბრიუსელი - ქუთაისი - 4 აგვისტოდან, კვირაში 2 სიხშირით, ყოველ ოთხშაბათსა და კვირას;

• ქუთაისი - კრაკოვი - ქუთაისი - 4 აგვისტოდან, კვირაში 2 სიხშირით, ყოველ ოთხშაბათსა და კვირას;

ფრენები Airbus A320 და A321 ტიპის საჰაერო ხომალდებით განხორციელდება.

საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ ავიაკომპანია Wizz Air-ს აღნიშნულ საჰაერო ხაზებზე რეგულარული საჰაერო მიმოსვლის განხორციელების ნებართვა 2019 წლის 26 მარტს მიენიჭა.

Wizz Air საქართველოს საავიაციო ბაზარზე 2012 წელს შემოვიდა და 2018 წლის მდგომარეობით რეგულარული რეისებით გადაყვანილ მგზავრთა რაოდენობის პროცენტული წილით ბაზარზე ლიდერი ავიაკომპანიაა (12%).