ანაკლიაში გზებისა და არხების გაწმენდითი სამუშაოები დღეს დილიდან  განახლდა. სავარაუდოდ, სწორედ არხების გაწმენდის შემდეგ განხორციელდება საცხოვრებელი სახლებიდან წყლის ამოტუმბვითი სამუშაობიც.
ადგილობრივები სტიქიის მიზეზად პორტის არასწორად დაგეგმილ მშენებლობას ასახელებენ და ხელისუფლებას ზარალის ანაზღაურებას სთხოვენ.

"იმის ნაცვლად რომ გაგანია ზაფხულის სეზონში ხალხს ჰყავდეს ტურისტები, ხალხს ჰყავს გველები, მღრღნელები და ბაყაყები. ანაკლის მოსახლეობას აინტერესებს, ჩქარა მოხდეს ამ ყველაფრის აღწერა და ანაზღაურება" - განაცხადა ერთ-ერთმა ადგილობრივმა.
ანაკლიაში უკვე მეოთხე დღეა, სტიქიის შედეგებს ებრძვიან.