თბილისის საკრებულოს ისნის რაიონის მაჟორიტარი დეპუტატის, ლევან დავითაშვილისა და პარლამენტის წევრის, ირაკლი
აბუსერიძის ინიციატივით ვაზისუბანში გამწვანების აქცია - „მწვანე სივრცე სიცოცხლისთვის“ მოეწყო.
დეპუტატებმა და ისნის რაიონის გამგებელმა, კახა ლაბუჩიძემ ადგილობრივ მოსახლეობასთან ერთად 50 ძირი კვიპაროსის ნერგი დარგეს.
ლევან დავითაშვილის განცხადებით ჯანსაღი გარემო და მწვანე სივრცეები მოსახლეობისთვის სასიცოცხლოდ მნიშვნელოვანია .
„წინასაარჩევნო კამპანიის ფარგლებში მოსახლეობის ერთ-ერთ ძირითად მოთხოვნას ჯანსაღი ეკოსისტემის ჩამოყალიბება წარმოადგენდა. სუფთა გარემო და მწვანე სივრცეები სასიცოცხლოდ მნიშვნელოვანია მოსახლეობისთვის"-აღნიშნა დავითაშვილმა.
