N150 მარშრუტზე ყვითელ „ბოგდანებს“ დღეიდან ლურჯი, „MAN”-ის მარკის ავტობუსები ჩაანაცვლებენ.

თბილისის მერიის პრესსამსახურის ინფორმაციით, N150 მარშრუტი უნივერსიტეტის მაღლივი კორპუსიდან ვაჟა-ფშაველას გამზირის, ახლად რეაბილიტირებული პეკინის ქუჩის, მელიქიშვილისა და რუსთაველის გამზირების გავლით ბარათაშვილის ხიდამდე მოძრაობს, ხოლო უკუ მიმართულებით, 26 მაისის მოედნიდან მოძრაობას კოსტავასა და შარტავას ქუჩებზე აგრძელებს და ვაჟა-ფშაველას გამზირს კალანდაძის ქუჩიდან უკავშირდება.
“MAN”-ის ავტობუსები გასული წლის ოქტომბრიდან დღემდე ეტაპობრივად 11 სხვადასხვა მარშრუტზე: N61, 51, 37, 87, 9, 88, 24, 14, 21, 140 და N39-ს ჩანაცვლდა.

მერიამ N150 მარშრუტზე ახალი ავტობუსების გაშვება პეკინის ქუჩაზე მიმდინარე მასშტაბური სარეკონსტრუქციო სამუშაოების დასრულებამდე გადაწია. მიმდინარე წლის 15 სექტემბერს მარშრუტზე 7 „MAN”-ის ავტობუსი გავა, ხოლო მიმდინარე წლის 18 სექტემბრიდან ეს რიცხვი 11-მდე გაიზრდება.