"კომედი ჯგუფის" ყოფილი მსახიობის ლევან გოგორელიანის ძმა, ლაშა გოგორელიანი სასამართლომ 500 ლარით დააჯარიმა. ამის შესახებ "ნიუსპრესს" ლაშა გოგორელიანის  ადვოკატმა ლადო მაჭარაშვილმა განუცხადა.
მისი თქმით, ლაშა გოგორელიანს ნარკოლოგიური შემოწმება ჩაუტარდა და ნარკოტიკული ნივთიერების (მარიხუანა) ზემოქმედების ქვეშ ყოფნა დაუდასტურდა.
მაჭარაშვილის თქმით, გოგორელიანი თავის მეგობრებთან ერთად ნარკოლოგიური შემოწმების შემდეგ, სასამართლოში გადაიყვანეს და სასამართლომ 500 ლარით დააჯარიმა. ის გუშინ საღამოსვე გაათავისუფლეს.
"რაც შეეხება მასთან ერთად მყოფ პირებს, აბდალაძე და ქიტიაშვილი ასევე გათავისუფლებული არიან. მელიქიძე კი, ჩემი ინფორმაციით, ამ დრომდე იზოლატორში იმყოფება" - განუცხადა "ნიუსპრესს" მაჭარაშვილმა.
ლაშა გოგორელიანი სამართალდამცავებმა მეგობრებთან ერთად გუშინ დააკავეს. ის ტელეკომპანია "რუსთავი 2"-ის ყოფილი თანამშრომლის, ლევან გოგორელიანის ძმაა, რომელიც ამჟამად კოალიცია "ქართული ოცნების" ლიდერის ბიძინა ივანიშვილის ვაჟის ბერა ივანიშვილის მუსიკალურ სტუდიაში გადავიდა სამუშაოდ.