არასამთავრობო ორგანიზაცია "ადამიანის უფლებათა ცენტრი" ხვალ წეროვანის დასახლების დევნილ მოსახლეობას უფასო იურიდიულ კონსულტაციას გაუწევს.
როგორც "ნიუსპრესს" არასამთავრობო ორგანიზაცია "ადამიანის უფლებათა ცენტრიდან" აცნობეს, იურისტები დაინტერესებულ მოქალაქეებს სისხლის სამართლის საკითხებში უფასო სამართლებრივ დახმარებას აღმოუჩენენ.
"ადამიანის უფლებათა ცენტრი" მიიჩნევს, რომ ამ აქციას დევნილებისთვის განსაკუთრებული მნიშვნელობა აქვს, რადგან მათ სრულფასოვანი იურიდიული მომსახურების მიღების ფინანსური შესაძლებლობა არ აქვთ.
ამასთან, წეროვანში ადვოკატების ვიზიტი ხელს შეუწყობს დევნილ მოსახლეობაში სამართლებრივი ცოდნის ამაღლებას.
კონსულტაციები "უფასო იურიდიული დახმარება საქართველოს სოციალურად დაუცველი მოსახლეობისთვის" პროექტის ფარგლებში ჩატარდება.
