საქართველოს შინაგან საქმეთა სამინისტროში თურქეთში მომხდარ ძარცვაში ქართველების მონაწილეობაზე ჯერჯერობით დამატებით ინფორმაციას არ ფლობენ.

ამის შესახებ "ნიუსპრესს" შინაგან საქმეთა სამინისტროს პრესსამსახურში განუცხადეს.

თურქეთის ქალაქ ორდუში წუხელ საიუვილერიო მაღაზია გაძარცვეს.
მაღაზიიდან 1 მლნ თურქული ლირის ღირებულების 6 კილოგრამი ოქროა წაღებული. სავაჭრო ობიექტში ბოროტმოქმედები 8 მეტრიანი გვირაბის საშუალებით შევიდნენ.

გავრცელებული ინფორმაციით, ძარცვაში ქართველებიც მონაწილეობდნენ.

აღნიშნულ საქმეს თურქეთის პოლიცია იძიებს.