ჩატარებული სამძებრო - ოპერატიული ღონისძიების შედეგად, შსს კრიმინალური დეპარტამენტის თანამშრომლებმა მკვლელობის ბრალდებით ელგუჯა კ. დააკავეს.

სამინისტროს პრესსამსახურის ინფორმაციით, ნასვამ მდგომარეობაში მყოფმა ელგუჯა კ. -მ ურთიერთშელაპარაკებისას სიდედრი, 1928 წელს დაბადებული ნაზი ჯახუა მოკლა. შემდეგ, მეუღლის, 1973 წელს დაბადებული მაია კ.-ს დახმარებით, ლეიბის პირში გახვეული გვამი თავის დროებით საცხოვრებელ ოთახში ჩამარხა და კვალის დასაფარად აღნიშნულ ადგილზე სველი წერტილი გააკეთა.

დაკავებისას ელგუჯა კ.-მ ჩადენილი დანაშაული აღიარა და სამართალდამცველებს ნანა ჯახუას გვამის ზუსტი ადგილ სამყოფელი მიუთითა.

არსებული ინფორმაციით, დაკავებამდე ელგუჯა კ. -თავს არიდებდა ნებისმიერი პირადობის დამადასტურებელი დოკუმენტის აღებას, შემდგომში მისი პიროვნების იდენტიფიცირებისა და დანაშაულში მხილების თავიდან აცილების მიზნით.

საქმე სსსკ 108-ე მუხლითაა აღძრული. ჩადენილი დანაშაული 10 დან 15 წლამდე თავისუფლების აღკვეთას ითვალისწინებს.