ახალციხეში საკონსტიტუციო ცვლილებების საყოველთაო განხილვა დასრულდა.
შეხვედრაში, რომელიც სამცხე-ჯავახეთის უნივერსიტეტში გაიმართა, მონაწილეობა პარლამენტის თავმჯდომარემ, პარლამენტის წევრებმა, ოპოზიციური და არასამთავრობო ორგანიზაციების წარმომადგენლებმა და ექსპერტებმა მიიღეს.
ძირითადი თემა 2020 წლის პროპორციული არჩევნები იყო.
შეხვედრა კითხვა-პასუხის ფორმატში გაგრძელდა.
საქართველოს რეგიონებში საკონსტიტუციო კანონპროექტის საყოველთაო განხილვები 13 სექტემბერს დაიწყო. პირველი შეხვედრა თელავში გაიმართა.
