ფინანსთა სამინისტროს შემოსავლების სამსახურის ინფორმაციით, საბაჟო გამშვებ პუნქტებში ,,სარფი“ და
,,ქუთაისის აეროპორტი“, ფინანსთა სამინისტროს შემოსავლების სამსახურის მებაჟე ოფიცრებმა, არადეკლარირებული ოქროსა და ვერცხლის ნაკეთობები გამოავლინეს.
საქართველოს მოქალაქეს, გ.ყ-ს, 3,718 ლარის ღირებულების არადეკლარირებული ოქროს ნაკეთობები (წონა 53.93 გრამი) საზღვარზე უკანონოდ შემოჰქონდა.
საგადასახადო კოდექსის 289-ე მუხლის მე-10 ნაწილის შესაბამისად, სამართალდამრღვევ მოქალაქეს, სანქციის სახით, ფულადი ჯარიმა, 3,718 ლარის ოდენობით შეეფარდა. ხოლო, ფინანსთა სამინისტროს შემოსავლების სამსახურის მებაჟე ოფიცრების მიერ, ეჭვის საფუძველზე, საქართველოს მოქალაქის ლ.მ-ს კუთვნილი ავტომანქანის დეტალური დათვალიერების შედეგად, 8.6კგ. ვერცხლის ნაკეთობები გამოვლინდა.
საქმე, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.
