ყოფილი მთავარი პროკურორის, ოთარ ფარცხალაძის ადვოკატის, გაგი მოსიაშვილის განცხადებით,
სასამართლომ ფარცხალაძეს 5 ათას ლარიანი გირაო შეუფარდა.
მისივე თქმით, ყოფილ მთავარ პროკურორს ცემას ედავებიან. თუმცა, ოთარ ფარცხალაძე წარდგენილ ბრალში თავს უდანაშაულოდ ცნობს.
„სასამართლომ ოთარ ფარცხალაძეს 5 ათას ლარიანი გირაო შეუფარდა. სამწუხაროა, მაგრამ ფაქტია, რომ ბრალდების მხარე პროცესუალური კანონმდებლობის გვერდის ავლით, ბატონ ოთარს ბრალი წარუდგინა. ბრალი მას წარედგინა ცემის ფაქტთან დაკავშირებით, საქმე ეხება ე.წ. „ელ-ცენტროს“ ინციდენტთან დაკავშირებულ საქმეს. ბატონი ოთარი წარდგენილ ბრალდებაში თავს დამნაშავედ არ ცნობს. პირიქით, მემგონი პროვოცირების მსხვერპლია ბატონი ოთარი. სამართლებრივ ბრძოლას გავაგრძელებთ,“- განაცხადა გაგი მოსიაშვილმა.
