საქართველოს მთავარი პროკურორის, შალვა თადუმაძის განცხადებით, მას ცოტა დრო და ბევრი
საზოგადოებრივ-პოლიტიკური მხარდაჭერა სჭირდება იმისთვის, რომ ერთხელ და სამუდამოდ ამ ქვეყანაში კანონის უზენაესობა დამკვიდრდეს.
ეს განცხადება თადუმაძემ კოალიცია „დამოუკიდებელი და გამჭვირვალე მართლმსაჯულებისთვის“ გამართულ ფორუმზე გააკეთა.
„მჭირდება ცოტა დრო და ბევრი საზოგადოებრივ-პოლიტიკური მხარდაჭერა იმისთვის, რომ ერთხელ და სამუდამოდ ამ ქვეყანაში კანონის უზენაესობა დამკვიდრდეს და კანონის წინაშე ყველას თანასწორობა განისაზღვროს“ - განაცხადა მთავარმა პროკურორმა.
