შინაგან საქმეთა სამინისტროს საექსპერტო-კრიმინალისტიკურ დეპარტამენტს კრიმინალისტიკით და სამართლის სფეროთი
დაინტერესებული ახალგაზრდები ეწვივნენ.
ვიზიტი კარიერის დაგეგმვის ცენტრის ინიციატივითა და ორგანიზებით განხორციელდა. სტუმრებმა პროფესიონალი ექსპერტ-კრიმინალისტების დახმარებით იმიტირებული შემთხვევა გამოიძიეს. ვიზიტის განმავლობაში ახალგაზრდები ექსპერტ-კრიმინალისტების საქმიანობის სპეციფიკას, მათ სამუშაო გარემოს და პირობებს გაეცნენ.
ღონისძიების მიზანი იყო სამართლის სფეროთი და კრიმინალისტიკით დაინტერესებული ახალგაზრდებისთვის, სამომავლოდ ექსპერტ-კრიმინალისტის პროფესიის არჩევის მიზნით, შინაგან საქმეთა სამინისტროს საექსპერტო-კრიმინალისტიკური დეპარტამენტის საქმიანობის დეტალურად გაცნობა და მოტივაციის ამაღლება.
