ბუტა რობაქიძის მკვლელობის საქმეზე კრიმინალური და საპატრულო პოლიციის ყოფილი თანამშრომლები იკითხებიან. ბრალდებულმა გურამ დონაძემ დღეს ჟურნალისტებს ვიდეომასალის ერთი კადრი წარუდგინა, რომელიც მისი თქმით, არის ალიბი, რომ მკვლელობის ადგილას იარაღი შსს-ს თანამშრომლებს არ მიუტანიათ.

„უმონტაჟო ვიდეომასალაში 00.37 წამამადე ჩანს იარაღი და „კალაშა კალაშას“ რომ ყვირიან. ავტომანქანაში ჩანს ერთი ავტომატი და მეორეს მჭიდი სავარძლის ქვეშ. გოჩა მუკბანიანი დადის ჩვეულებრივად... აქ ეს ჩანს“-განაცხადა დონაძემ.

ცნობისთვის, შინაგან საქმეთა სამინისტროს პრესცენტრის ყოფილი თანამშრომლის გოჩა მუკბანიანის განცხადებით, ბუტა რობაქიძის მკვლელობის ადგილზე არც იარაღი და არც საბრძოლო მასალა არ ყოფილა.