ყაზბეგში, მყინვარწვერზე 35 წლის პოლონელი ტურისტი გარდაიცვალა.
დაღუპული პოლონელი ტურისტების ჯგუფთან ერთად იმყოფებოდა.


უბედური შემთხვევა, სავარაუდოდ, 4300 მეტის სიმაღლეზე მწვერვალიდან ჩამოსვლის დროს მოხვდა.

ინციდენტთან დაკავშირებით პოლნელი ტურისტების 9 კაციან ჯგუფს სტეფანწმინდის პოლიციაში დაკითხავენ.
უბედური შემთხვევის ზუსტი მიზეზი ჯერ-ჯერობით უცნობია.

„მყინვარწვერიდან დაბლა ეშვებოდა. სავარაუდოდ გული გაუხდა ცუდად, ზუსტად არ ვიცი, შემთხვევის დროს იქ არ ვიმყოფებოდი. ტურისტი გადაასვენეს ყაზბეგში“- აცხადებს სასაზღვრო პოლიციის თანამშრომელი, ტელეკომპანია „რუსთავი 2“ თან სატელეფონო საუბრის დროს.


გამოძიება სისიხლის სამართლის კოდექსის 116-ე მუხლითაა აღძრული, რაც სიცოცლის გაუფრთხილებლობით მოსპობას გულისხმობს.