სირიის დედაქალაქ დამასკოს გარეუბანში 60 გარდაცვლილის ცხედარი აღმოაჩინეს, რომლებიც ოპოზიციის აქტივისტების თქმით, ოპოზიციისა და მთავრობის  ძალებს შორის შეტაკების შედეგად დაიღუპნენ.

Bbc-ის ინფორმაციით, ინტერნეტში გავრცელებულ დაბალი ხარისხის ვიდეოში ჩანს, რომ ათობით გარდაცვლილ ადამიანს ზურგს უკან ხელები აქვს შეკრული.

ცხედრები ხუთშაბათს, დედაქალაქის სამხრეთ-დასავლეთით მდებარე ნაგავსაყრელთან აღმოაჩინეს.

გაეროს უშიშროების საბჭოს მოქმედი პრეზიდენტის ჯერარდ აროდის განცხადებით, მთავრობის მომხრე სამხედრო ნაწილები მძიმე ტექნიკას იყენებენ.