სახელმწიფო უსაფრთხოების სამსახურის უფროსმა ვახტანგ გომელაურმა საქართველოში ირანის ისლამური რესპუბლიკის საგანგებო და სრულუფლებიან ელჩთან სეიედ ჯავად ყავამშაჰიდისთან გაცნობითი ხასიათის შეხვედრა გამართა.
უწყების პრესსამსახურის ინფორმაციით, შეხვედრაზე განიხილეს ორი ქვეყნის უსაფრთხოების სამსახურებს შორის არსებული თანამშრომლობის ძირითადი მიმართულებები. საუბარი შეეხო მსოფლიოსა და რეგიონში არსებულ ტენდენციებსა და გამოწვევებს. მხარეებმა ასევე განიხილეს სამომავლო გეგმები და თანამშრომლობის გაღრმავების პერსპექტივები.