საქართველოს პრეზიდენტი მიხეილ სააკაშვილი დღეს ქუთაისში ჩადის.
როგორც „ნიუსპრესის“ ქუთაისის ბიუროს კორესპონდენტი იუწყება, პრეზიდენტს
მთავრობის სახლში დაახლოებით 13:00 საათისთვის ელოდებიან.
წინასწარი ინფორმაციით, იგი ქუთაისში კულტურის სფეროს მოღვაწეებს შეხვდება და რამდენიმე მათგანს დააჯილდოებს.
პრეზიდენტი ქუთაისში დღეს ბათუმიდან ჩადის, სადაც გუშინ აშშ-ს სახელმწიფო მდივნის ჰილარი კლინტონის ვიზიტის ფარგლებში მთელი რიგი შეხვედრები გაიმართა. კლინტონმა ბათუმი დღეს დატოვა და აეროპორტში იგი პრეზიდენტმა მიხეილ სააკაშვილმა და საგარეო საქმეთა მინისტრმა გრიგოლ ვაშაძემ გააცილეს.
